Një vullkan ka shpërthyer në jug të kryeqytetit të Islandës, Reykjavik, duke detyruar autoritetet të evakuojnë qindra turistë dhe banorë nga zona. Lava e vullkanit depërtoi nëpër barrierat mbrojtëse pranë qytetit të peshkimit Grindavík , duke nxitur një urdhër evakuimi.
Shërbimet e urgjencës evakuuan gjithashtu banjën luksoze aty pranë “Blue Laguna’ disa orë para shpërthimit, pasi gjeologët kishin paralajmëruar për ngjarjen.
Sipas Rikke Pedersen, kreu i Qendrës Vullkanologjike Nordike në Islandë, shpërthimi ishte i ngjashëm në madhësi me atë të janarit 2024, i cili derdhi llavë në qytetin e Grindavík.
Ekspertët islandezë parashikojnë se të ashtuquajturat “shpërthime të çarjeve“, të karakterizuara nga llava që rrjedh nga çarje të mëdha në koren e Tokës dhe jo nga krateret vullkanike, mund të përsëriten për dekada apo edhe shekuj.
