Ditën e sotme Dodë Gjoka i cili u mor peng nga tre persona pas një sherri në Lezhë, është i njohur për organet e drejtësisë.
Dodë Gjoka në vitin 2017 u arrestua pasi i vendosi gjobë prej 25 mijë euro një biznesmeni dhe e kërcënoi se do ti vriste djalin. Në momentin që po mernin paratë nga biznesmeni, policia e arrestoi atë dhe bashkëpunëtorin e tij L.Ç., nga Shkodra.
Gjatë operacionit, u sekuestruan 25 mijë euro, dylbi, telefona celularë dhe automjeti që përdorej nga autorët.
Hetimet zbuluan se biznesmeni kishte pasur konflikte të vjetra pronësore dhe dyshohet se persona të tjerë kishin urdhëruar Dodë Gjokën dhe bashkëpunëtorin e tij për të marrë borxhin e pretenduar.
