Kryeministri Edi Rama ka inspektuar sot repartin e operacioneve speciale në Zall Herr. Rama u shpreh se në 10 vitet e fundit, qeveria ka 10-fishuar në investimet në fushën e mbrojtjes.
Kryeministri u shpreh krenar që kemi forcat më të armatosura dhe ushtrinë më të paguar në rajonin në Ballkanin Perëndimor.
“Është krenari se në 10 vite kemi 10 fishuar investimet në fushën e mbrojtjes, rritje kjo që nuk ka ndodhur në asnjë fushë tjetër. Është dramatike të mendosh se ne kur morëm detyrë FA mbështeteshin me 28 mln euro investime, një shifër që sot është shumë më e vogël se sa shifra që ne kemi investuar vetëm për emergjencat civile.
Jam krenar qe kemi arritur, kemi forca të armatsura ndaj të cilave të rinjtë e të rejat nuk janë më të mbyllur. Këtë e tregon pesë fishimi i rekrutimeve dhe arritja e përmbushjes së objektivit për numër rekrutësh të vendosur nga shtabi i përgjithshëm. Sot ne kemi ushtrinë më të mire paguar të rajonit në Ballkanin Perëndimor.”, tha Rama.
