Shefja e politikës së jashtme të Bashkimit Europian, Kaja Kallas vjen të martën në Tiranë.
Kallas do të takohet me Presidentin Bajram Begaj, kryeministrin Edi Rama dhe ministrat Igli Hasani e Pirro Vengu.
Kallas do të marrë pjesë në forumin e dialogut Shqipëri-BE për politikën e sigurisë e më pas në ceremoninë e marrëveshjes me Bankën Evropiane të investimeve.
Po ashtu, ajo do të mbajë një ligjëratë në Shtëpinë e Evropës. Pjesë e turit të saj të parë ballkanik janë takime edhe në Malin e Zi dhe në Bosnje Hercegovinë.
