Presidenti francez Emmanuel Macron u ka shprehur sot ngushëllimet familjarëve të viktimave ukrainasve për tragjedinë e shkaktuar nga sulmi rus në qytetin e Kryvyi Rih.
Macron në platformën X tha se Rusia kishte rifilluar një sërë sulmesh ajrore në qytetet e Ukrainës gjatë natës, përveç sulmit të 4 prillit në Krivi Rog, i cili vrau shumë fëmijë. Ai theksoi se duhet që të arrihet sa më shpejt një armëpushim.
“Në këtë ditë zie kombëtare në Ukrainë, mendimet e mia janë me fëmijët dhe të gjitha viktimat civile të sulmeve vdekjeprurëse të kryera nga Rusia, si në Kryvyi Rih më 4 prill. Sërish mbrëmë, sulme të shumta ruse shënjestruan zona të banuara në Kiev dhe disa qytete të tjera të Ukrainës. Ndërsa Ukraina pranoi propozimin e Presidentit Trump për një armëpushim të plotë dhe të pakushtëzuar 30-ditor gati një muaj më parë, dhe ndërsa ne punojmë me të gjithë partnerët tanë për të siguruar paqen, Rusia vazhdon luftën e saj me intensitet të ri, duke mos treguar asnjë respekt për civilët. Këto sulme ruse duhet të ndalen. Duhet të arrihet një armëpushim sa më shpejt të jetë e mundur. Dhe veprime të forta duhet të pasojnë nëse Rusia vazhdon të ngecë dhe të refuzojë paqen. Edhe sa do të luajë Rusia me ofertat e paqes nga Shtetet e Bashkuara dhe Ukraina, ndërkohë që do të vazhdojë të vrasë fëmijë dhe civilë?”, shkruan Macron.
On this day of national mourning in Ukraine, my thoughts are with the children and all civilian victims of the deadly strikes carried out by Russia, such as in Kryvyi Rih on April 4.
Again last night, numerous Russian strikes targeted residential areas in Kyiv…
— Emmanuel Macron (@EmmanuelMacron) April 6, 2025
