Kryeparlamentari në detyrë, Glauk Konjufca do të mbajë sot një mbledhje të përbashkët me kryetarët e partive politike. Këtë e ka konfirmuar, shefi i kabinetit të Glauk Konjufcës, Ilir Kërçeli, i cili tha se mbledhja do të mbahet në ora 12:00. Kërçeli deklaroi se mbledhja do të mbahet për organizimin e seancës konstituive më 15 prill.
Seanca e parë udhëhiqet nga deputeti më i vjetër dhe ai më i riu në sallën e Kuvend. Të enjten e javës së kaluar, Kuvendi njoftoi për këtë takim, i cili do të mbahet në drekë, një javë para seancës konstituive të Kuvendit.
