Mbi 60,000 fëmijë nën moshën 6 vjeç në Gaza po përballen me kequshqyerjen, sipas koordinatorit special të OKB-së për procesin e paqes në Lindjen e Mesme.
Duke folur në Forumin e Diplomacisë në Antalia (ADF) të Turqisë, Sigrid Kaag tha se ndihma humanitare e dërguar në rajon nëpërmjet OKB-së gjatë armëpushimit të 19 janarit arriti tek ata në nevojë pa asnjë problem, por se që nga 2 marsi, “ndihma nuk është lejuar”.
Ajo theksoi se sipas ligjit ndërkombëtar, Izraeli është i detyruar të sigurojë që ndihma të mund të dërgohet në Gaza dhe se është e domosdoshme që ndihma humanitare të dërgohet atje sa më shpejt të jetë e mundur.
