Parlamenti i Serbisë ka zgjedhur qeverinë e re, me kryeministër Gjuro Macut. Për zgjedhjen e qeverisë së re votuan 153 deputetë, ndërsa kundër propozimit ishin 46. Të pranishëm nuk ishin 51 deputetë.
Macut para deputetëve paraqiti programin e tij, duke theksuar se politika ekonomike e Serbisë nuk do të ndryshojë. Ai siguroi se do të vazhdohet me politikën e stabilitetit makroekonomik që është ndjekur deri tani, duke ruajtur balancat e nevojshme për zhvillimin ekonomik të vendit.
Qeveria e re e Serbisë, do të përbëhet nga 30 ministra, shumica prej të cilëve ishin edhe në kabinetin e kryeministrit Milosh Vuçeviç, i cili dha dorëheqje.
