Mbrëmjen e sotme një atentat ka ndodhur në zonën e Pllanës në Lezhë, ku mbeti i vrarë Gjovalin Prendi 64 vjeç. Ngjarja ka ndodhur pranë një lokali në pronësi të Gjovalinit, ku autorët kanë qëlluar me breshëri automatiku dhe më pas janë larguar.
Autorët mendohet se kanë qenë më shumë se dy persona dhe janë larguar me një makinë tip Mercedes me ngjyrë të zezë. Ata janë afruar nga hyrja kryesore e lokalit dhe kanë hapur zjarr nga dera në drejtim të tavolinës ku ndodhej viktima.
Bashkë me viktimën ndodhej edhe një person tjetër, i cili nuk është prekur nga plumbat. Sipas burimeve 64-vjeçari i kishte rralluar daljet. Ndërsa ditën e sotme kishte vendosur të hapte lokalin dhe të qëndronte aty.
Baba e bir të ekzekutuar në prag të Pashkëve, policia sekuestron kamerat e lokalit
