Kur kanë kaluar më shumë se 12 orë nuk ka asnjë të arrestuar për atentatin mbrëmë në Tiranë me katër të plagosur, mes tyre dy të mitur, djali dhe nipi i pronarit të kompanisë “Pelikani Security”. Pasditen e djeshme katër të rinjtë ka shkuar në Pjezë të Shijakut për të festuar sepse 11-vjeçari Demiraj, djali i pronarit kishte ditëlindjen.
Bashkë me ta ishte edhe shoku i tyre Kian Mullahi. Tre të rinjtë i ka çuar në Pjezë shoferi i familjes dhe pronarit të “Pelikani Security” me makinën e familjes Demiraj në pronësi të Vesel Demiraj një G-Class me targë AB002MD.
Pasi kanë përfunduar janë nisur për t’u kthyer për në Tiranë në Lundër te banesat e tre të rinjve, ku do festonin edhe ditëlindjen e 11-vjeçarit me familjarët. Gjatë kthimit janë futur në Unazë për të dalë në Lundër por një makinë i priste dhe i ka ndjekur duke i qëlluar me armë drejt tyre.
Të plagosurit janë dërguar me makina private në spital. Shoferi 34-vjeçar dhe 19-vjeçari Kian Mullahi ndodhen jashtë rrezikut, ndërsa 17-vjeçari në gjendje stabël, kurse 11-vjeçari në gjendje më të rënduar.
