Kryetari i lëvizjes “Shqipëria Bëhet”, Adriatik Lapaj gjatë takimit me qytetarët në Elbasan ka folur për qeverisjen e Ramës në këto 12 vjet. Lapaj tha se Rama është lejuar që të qëndrojë në pushtet nga vetë shqiptarët.
Ai shtoi se Rama ka marrë vetëm 21.7 % të votave, por ai mori 52% të mandateve pa i patur votat e shumicës.
“Qeveria aktuale ka marrë në zgjedhjet e kaluara vetëm 48 përqind të atyre që votuan por ndërkohë mori 52 % të mandateve duke marrë pushtetin pa i patur votat e shumicës së atyre që votuan. Në raport me popullsinë ka marrë vetëm 21.7 % të votave të shqiptarëve.
Dhe ka 12 vjet që rri në pushtet dhe vjedh shqiptarët dhe ata thonë se ky është i fortë, rri në pushtet se ne të tjerët e kemi lejuar, ndaj duhet të bashkohemi për ta shembur. Si mund të rri në pushtet një njeri që ka marrë votat në 2 ndër 10 nga ne. Sepse 8 nga ne e kanë lejuar të vjedhë”, tha Lapaj.
