Kandidatja e Partisë Socialiste në Roskovec, Zegjine Çaushi është kallëzuar pranë Komisionit Qendror të Zgjedhjeve për shfrytëzim të aseteve shtetërore në kuadër të fushatës zgjedhore për 11 majin.
Organizata “Qëndresa Qytetare” ka denoncuar dhe ka publikuar fotografi që tregojnë Çaushin duke zhvilluar një aktivitet elektoral në ambientet e shkollës 9-vjeçare “Rramen Dashi” në fshatin Arapaj.
Ndërsa Komisioni Qendror i Zgjedhjeve ka njoftuar se ka nisur procedurat administrative edhe ndaj ministrit të Brendshëm Ervin Hoxha, pas një tjetër kallëzimi nga organizata Qëndresa Qyteratare.
Ministri Hoxha dyshohet se ka shpërndarë materiale elektorale në Tiranë duke përdorur makinën zyrtare të ministrisë.
