Kandidatja e Partisë Demokratike për qarkun e Tiranës, Jorida Tabaku ka zhvilluar takime me qytetarët në Bllok në kryeqytet.
Tabaku shprehet se qytetarët duan ndryshimin dhe një politikë më pranë tyre. Ajo nënvizon se Partia Demokratike e ofron këtë mundësi, si dhe u bëri thirrje që të votojnë numrin 1 dhe Jorida Tabakun për një sistem të drejtë.
“Në Bllok, aty ku dikur kishte shpresë e sot ka shumë pyetje. Por qytetarët flasin qartë – duan ndryshim, duan një të nesërme që nuk vjen me premtime, por me punë dhe ndershmëri, duan një politikë pranë tyre dhe jo pakicës dhe më së shumti duan politikën pranë shtresës së mesme dhe jo një elite të vogël. Dhe kjo shpresë, ndonëse e lodhur, nuk është shuar.
Voto Partinë Demokratike – për më shumë mundësi. Voto Jorida Tabaku – për një sistem të drejtë që punon për ty.”, shkruan Tabaku në facebook.
