Banorët e njësisë 10 në Tiranë dhe të bashkisë Vorë do të votojnë përmes pajisjeve elektronike dhe jo me fletë votimi.
Komisioni Qendror i Zgjedhjeve njofton se qytetarët, përfaqësuesit e partive politike mund të të paraqiten dhe të testojnë PEVN, çdo ditë nga ora 09:00- 19:00.
“Të gjithë qytetarët, përfaqësuesit e partive politike dhe medias mund të paraqiten dhe të testojnë PEVN-të, çdo ditë nga ora 09:00-19:00.
Pajisjet nuk mund të qëndrojnë të ekspozuara në kushtet klimatike jo të favorshme (përfshirë motin me shi), sepse kjo gjë do të shkaktonte dëmtimin e pajisjeve”, njofton KQZ.
