Kreu i Partisë Mundësia, Agron Shehaj ka zhvilluar një takim me qytetarët në Korçë dhe u shpreh se kjo forcë politike është e treta në Shqipëri.
“Të gjithë e kanë kuptuar, ne jemi partia e 3-të në Shqipëri me një diferencë të madhe nga i katërti dhe i pesti, dhe kjo po del gjithandej,” u shpreh Shehaj.
Ai u bëri thirrje qytetarëve që të mos bien pre e këtyre sulmeve si dhe të qëndrojnë të palëkundur. Shehaj nënvizoi se ndryshimi do të vijë me 12 maj dhe ky është vetëm fillimi.
“E di që kanë kaluar 34 vjet, por kjo s’do të thotë që të merremi me diçka tjetër, ky është problemi, dhe duhet të flasim për këtë gjë, dhe me votën tonë mund ta ndryshojmë Shqipërinë. Ndryshimi do vijë në 12 maj, është vetëm fillimi. Ndryshimi është një proces,”, tha Shehaj.
