Kryeministrja Italiane, Georgia Meloni ka reaguar pas ceremonisë mortore të Papa Françeskut e cila u mbajt në Bazilikën e Shën Pjetrit dhe u pasua nga kortezhi solemn në rrugët e Romës deri në Bazilikën e Shën Marisë së Madhe.
Meloni vlerësoi organizimin dhe anagazhimin institucional të treguar gjatë kësaj dite historike. Gjithashtu ka shprehur falenderimet të gjitha institucioneve të përfshira, qeverisë për profesionalizmin, përkushtimin dhe frymën e shërbimit që treguan.
“Pas ceremonisë mortore në Shën Pjetër dhe kortezhit që shoqëroi arkivolin e Papa Françeskut përgjatë rrugëve të Romës deri në Bazilikën e Shën Marisë së Madhe, dua të theksoj përkushtimin e madh dhe efikasitetin e jashtëzakonshëm që u tregua nën koordinimin e Departamentit të Mbrojtjes Civile. Shpreh falënderimet e mia të përzemërta për të gjitha institucionet e përfshira, përfshirë Ministrinë e Brendshme, Prefekturën dhe Drejtorinë e Policisë së Romës, forcat e policisë, zjarrfikësit, forcat e armatosura, Ministrinë e Punëve të Jashtme dhe Bashkëpunimit Ndërkombëtar, strukturat shëndetësore dhe të mbrojtjes civile të Rajonit të Lazios dhe rajoneve të tjera, qytetin e Romës, ndërmarrjet bashkiake që menaxhojnë shërbimet thelbësore, ENAC-in, ENAV-in, Grupin e Hekurudhave të Shtetit Italian, kompanitë që menaxhojnë infrastrukturën e transportit, lëvizshmërinë dhe telekomunikacionin, si dhe të gjitha gratë dhe burrat e angazhuar në vullnetarizëm.
Të gjithëve u shpreh falënderimet e qeverisë dhe të miat personale për profesionalizmin, përkushtimin dhe frymën e shërbimit që treguan, duke siguruar zhvillimin e qetë të një dite historike për Italinë dhe për gjithë botën.”, tha Meloni.
