Shoqata e Industrisë së Përpunimit të Qumështit dhe Shoqata e Blegtorëve Prodhues të Qumështit kanë reaguar me një deklaratë lidhur me një sasi të caktuar qumështi që rezultuan të kontaminuara me aflatoksinë.
Autoriteti Kombëtar i Ushqimit tha sot se në Vlorë janë evidentuar 10 mostra në markete dhe supermarketet e qytetit. Gjithashtu theksoi se qumështi është tërhequr menjëherë nga tregu, por dyshohet që edhe të jetë konsumuar.
Në një deklaratë të përbashkët, shoqatat theksojnë se proceset e kontrollit të cilësisë janë të rregullta dhe ndërhyrjet bëhen menjëherë në rast se konstatohen probleme.
Gjithashtu, dy shoqatat theksojnë se nuk ka asnjë çështje të hapur nga Autoriteti Kombëtar i Ushqimit ndaj ndonjë prej kompanive të përmendura në raportimet mediatike për kontaminimin me aflatoksinë.
