Ditën e nesërme do të mbahet seanca e tetë konstituive e Kuvendit të Kosovës. Gjithashtu edhe përpjekja e gjashtë për të caktuar kryetarin e Parlamentit.
Lëvizja Vetëvendosje do që Albulena Haxhiu të jetë kryetarja e Kuvendit të Kosovës. Ndërsa partitë e opozitës nuk e pranojnë, pasi shprehen se ajo nuk është një figurë unifikuese.
Ndërkohë partia e Albin Kurtit nuk ka asnjë emër tjetr të propozuar përveç Albulena Haxhiut. Ditën e dielë Albulena Haxhiu siguroi vetëm 57 vota dhe Vetëvendosja fajësoi opozitën për mosdakordësimin.
