Kuvendi i Republikës së Kosovës pritet të mblidhet sot në orën 10:00 për të vazhduar procesi e seancës për zgjedhjen e kryetarit dhe nënkryetarit.
Në mbledhjen e së dielës të drejtuar nga kryesuesi Avni Dehari, deputet i Lëvizjes Vetëvendosjes, Glauk Konjufca propozoi për herë të dytë Albulena Haxhiun për kryetare të Kuvendit.Por edhe këtë herë, Haxhiu nuk arriti të sigurojë shumicën e nevojshme, duke marrë 57 vota pro, 41 kundër dhe 3 abstenime.
Pas këtij dështimi, seanca u ndërpre, ndërsa akuzat ndërmjet blloqeve politike nuk munguan. Të dyja palët fajësuan njëra-tjetrën për pengimin e procesit dhe thellimin e krizës institucionale, ndërsa Kuvendi vazhdon të mbetet i pakonstituar.
