Masat ajrore të ngrohta nga veriu i Afrikës vazhdojnë të ndikojnë në Shqipëri, duke sjellë mot të kthjellët dhe temperatura të larta gjatë paradites në gjithë territorin.
Më vonë gjatë pasdites, do të ketë kalime të vranësirave të lehta, kryesisht në zonat malore të vendit, sidomos në pjesët veriore dhe verilindore, por pa reshje.
Temperaturat do të rriten si në mëngjes ashtu edhe në mesditë, ku vlera më e ulët do të regjistrohet në qytetin e Ersekës me 6°C, ndërsa maksimalet do të arrijnë deri në 30°C në zonat jugore dhe qendrore.
Era do të jetë e lehtë deri në mesatare, duke arritur shpejtësinë 35 km/h nga drejtimi veriperëndimor. Kjo do të shkaktojë dallgëzim 2 ballë në brigjet detare.
