Deputeti i Kuvendit të Kosovës, Lutfi Haziri ka treguar se përse partia e tij Lidhja Demokratike e Kosovës nuk ka marrë pjesë në takimin e thirrur nga Kurti.
Haziri tha se edhe pse nuk ka shkuar kreu i Lidhjes Demokratike të Kosovës në takimin me Kurtin “nuk është refuzim i dialogut”.
“Nuk ka nevojë për takim për procedura”, është shprehur Haziri para gazetarëve.
“Nuk shkohet në takim për të drejtën e fituar. Partia e parë duhet të realizojë marrëveshje politike”, ka thënë ai.
“Po të ishte LDK-ja në këtë pozitë, ne para pesë javësh do ta kishim mbyllur” konstituimin e Kuvendit dhe formimin e qeverisë, ka thënë Haziri.
Sipas tij, LVV-ja “nuk ka vullnet politik për zgjidhjen e problemit”.
“Të bësh takime sa për t’u takuar… LDK-ja kështu nuk funksionon. Ne shkojmë në takim vetëm kur duhet të kryhet punë”, është shprehur ai.
