Komisioni Qendror i Zgjedhjeve ka bërë një njoftim zyrtar për votuesit në Korfuz, Greqi.
Me anë të njoftimit, Komisioni Qendror i Zgjedhjeve thotë se në datat 2, 3 dhe 4 maj, shërbimi postar DHL do të jetë i pranishëm në katër pika të ndryshme në ishullin e Korfuzit, për të mundësuar marrjen dhe dorëzimin e zarfeve zgjedhore.
Gjithashtu ka publikuar një tabelë ku tregohen adresat e pikave të shërbimit, oraret e operimit dhe zonat që mbulohen nga secila pikë.
“Gjatë këtyre orareve, qytetarët mund të plotësojnë fletën e votimit në vend dhe ta dorëzojnë menjëherë te përfaqësuesi i DHL”, njoftoi KQZ.
