Ambasada e Shteteve të Bashkuara në Shqipëri ka paralajmëruar qytetarët për rrezikun e agjentëve të rremë që ofrojnë shërbime për aplikimet për viza jo-emigruese. Në një postim në rrjetet sociale, Ambasada thekson se nuk është e nevojshme asnjë ndërmjetës për aplikimin, pasi procesi mund të kryhet plotësisht online në vetëm tre hapa të thjeshtë.
Ajo gjithashtu paralajmëron se përdorimi i agjencive që ofrojnë informacion të pasaktë mund të çojë në refuzimin e vizës dhe që individët janë përgjegjës për çdo gabim. Ambasada rikujton se informacioni zyrtar është vetëm nga burimet e saj dhe të gjitha shërbimet janë pa pagesë.
