Peshëngritësja shqiptare Enkileda Çarjan u shpall Kampione Bote e trefishtë për të reja në Kampionatin Botëror të Peshëngritjes në Lima, Peru.
Presidenti Bajram Begaj me anë të një postimi në platformën X ka uruar peshëngritëse, si dhe trajneren e saj Eglantina Kalemi, për punën me përkushtim e pasion në përgatitjen e sportistes.
“Shumë urime për Enkileda Çarjan, e cila u shpall Kampione Bote e trefishtë në Botërorin e Peshëngritjes, theu 3 rekorde evropiane për të reja, si dhe arriti të marrë medalje bronzi për U20!
Krenarë për arritjet e Enkiledës dhe punën e përkushtuar të trajneres së saj, Eglantina Kalemi!”, shkruan Begaj.
