Tirana ka siguruar qëndrimin në Kategorinë Superiore, duke mundur minimalisht Pogradecin 1-0 në finalen e “Play Out”, e luajtur në “Elbasan Arena”. Goli i epërsisë erdhi vetëm në minutat e fundit të ndeshjes, pas një devijimi të pafat të Hysenllarit.
Gjatë pjesës së parë, Tirana pati disa mundësi për të kaluar në avantazh. Jarmouni u afrua me golin pas çerek ore loje, por portieri i Pogradecit ia ndali goditjen. Megjithatë, në minutat e fundit të pjesës së parë, një gol fantastik nga distanca i Soler u anulua pas një faulli të Micit në sulm, pas kontrollit nga VAR.
Në fundin e sfidës, një devijim i Hysenllarit solli golin që siguroi fitoren për ekipin e Shkëmbit dhe mbijetesën në Superiore.
