GJKKO ka shtyrë seancën gjyqësore për ish-ministrin e Mbrojtjes, Fatmir Mediu, i cili është nën hetim për tragjedinë e “Gerdecit”. Shtyrja e seancës ka ardhur si pasojë e mungesës së gjyqtares, Irena Gjoka, e cila ka paraqitur një raport mjekësor.
Në seancën e zhvilluar më 22 prill, Fatmir Mediu theksoi se trajtimi i municioneve ishte një kompetencë ekskluzive e Forcave të Armatosura dhe jo e Ministrit të Mbrojtjes. Ai shtoi se çdo vendim i qeverisë shoqërohej me një urdhër të ministrit, i cili më pas miratohej me një urdhër ose udhëzim të shefit të Shtabit të Përgjithshëm të FA.
