Ushtria izraelite ka paralajmëruar njerëzit që të largohen nga pjesët përreth aeroportit kryesor të kryeqytetit të Jemenit, Sana.
Paralajmërimi vjen një ditë pasi ushtria izraelite e goditi portin e Hudejdës si përgjigje ndaj sulmit raketor që rebelët Huthi e kryen në afërsi të aeroportit të Izraelit.
Tensionet janë përshkallëzuar mes Izraelit dhe rebelëve Huthi të Jemenit, pasi grupi i lidhur me Iranin po vazhdon të kryejë sulme si përgjigje ndaj zgjerimit të operacioneve të Izraelit në Rripin e Gazës.
“Mosevakuimi ju vë në rrezik”, tha ushtria izraelite drejtuar njerëzve në Sana.
