Xi Jinping, Presidenti kinez, ka filluar sot një vizitë katër-ditore në Rusi, për të marrë pjesë në festimet që përkujtojnë fitoren e Bashkimit Sovjetik ndaj Gjermanisë naziste. Gjatë qëndrimit të tij, ai do të takohet me presidentin rus, Vladimir Putin, për të diskutuar dhe nënshkruar marrëveshje që thellojnë bashkëpunimin dypalësh, përfshirë sektorin e energjisë. Kina është blerësi më i madh i naftës dhe gazit rus, duke mbështetur kështu ekonominë ruse pas sanksioneve perëndimore.
Takimi i dy liderëve pritet të fokusohet në çështje të tilla si situata në Ukrainë, marrëdhëniet ruso-amerikane dhe ndihma e mundshme energjetike mes dy vendeve, përfshirë projektin e gazsjellësit “Fuqia e Siberisë 2”. Pas takimit, Xi do të marrë pjesë edhe në paradën ushtarake në Sheshin e Kuq të Moskës.
