Dhurata Çupi kandidatja e Partisë Demokratike për Tiranën, ka bërë një premtim të fortë për ndryshime të drejtpërdrejta në përfitimet sociale, duke shpallur rritjen e menjëhershme të pensioneve minimale dhe mbylljen e politikave të ndihmës ekonomike që sipas saj poshtërojnë qytetarët.
Gjatë takimeve të zhvilluara me banorët, Çupi ka theksuar se kjo është një mundësi për të sjellë ndryshime të vërteta, që do të përmirësojnë jetën e qytetarëve dhe do të ndikojnë drejtpërdrejt në të ardhmen e familjeve.
“Ne premtojmë ndryshim, jo me fjalë, por me vepra. Rritje të menjëhershme të pensioneve minimale dhe fundin e politikave të ndihmës ekonomike që poshtërojnë qytetarët,” ka deklaruar Çupi. Ajo u ka bërë thirrje qytetarëve të mbështesin Partinë Demokratike për të bërë ndryshimin që ata meritojnë: “Le ta bëjmë ndryshimin, për ju, për fëmijët tuaj, për të ardhmen. Voto Partia Demokratike. Voto Dhurata Çupi Tyli.”
