Kryeministri Edi Rama ka përfunduar sot fushatën elektorale në Vlorë, ku ka bërë një shfaqje të papritur me këngëtarin e njohur Noizy. Gjatë fjalës së tij, Rama ftoi Noizyn në skenë dhe ata filluan të këndojnë së bashku, duke shpërndarë mesazhin e rëndësishëm për zgjedhjet e 11 majit.
“Ku është ky mo? Nuk është nga Vlora ky, vjen me vonesë,” u shpreh Rama, duke e ftuar Noizyn që të ngjitet në skenë. “Dua të këndoj bashkë me Noizyn, duke mbajtur lart flamujt për këtë rrugëtim drejt Bashkimit Europian,” shtoi ai.
Nga ana e tij, Noizy përshëndeti publikun dhe bëri thirrje për mbështetje: “Vlora, përshëndetje. Ju e dini, duhet të votoni numrin 5.”
Në fund, Rama kërkoi që më 11 maj të “nxirret nga kutitë e votimit një det kuq e zi”, duke theksuar rëndësinë e këtyre zgjedhjeve për të ardhmen e Shqipërisë dhe rrugën e saj drejt Bashkimit Europian.
