Presidenti i SHBA-së Donald Trump, ka shprehur urimet e tij për kardinalin amerikan Robert Francis Prevost, i cili u zgjodh Papë i ri i Kishës Katolike dhe do të mbajë emrin Papa Leon XIV. Trump e vlerësoi këtë ngjarje si një moment historik, duke theksuar rëndësinë e këtij emërimi për Amerikën dhe për të gjithë botën katolike.
Trump tha: “Urime kardinalit Robert Francis Prevost, i cili sapo u emërua Papë. Ky është një moment i madh për Amerikën, pasi ai është i pari amerikan që zgjidhet Papë.”
Ai gjithashtu shtoi se mezi po priste takimin me Papa Leon XIV dhe e cilësoi këtë moment si shumë domethënës, duke theksuar rëndësinë që ka për SHBA-në dhe për Kishën Katolike.
“Mezi pres të takoj Papa Leon XIV. Do të jetë një moment shumë domethënës.”
