Kryetari i Lëvizjes Shqipëria Bëhet, Adriatik Lapaj, ka bërë një paralajmërim të fortë për protestën e tij, duke njoftuar se do të vendosen çadra të tjera para Kryeministrisë, ku anëtarët e partisë së tij kanë protestuar për muaj me radhë.
Ai theksoi se Prokuroria ka vendosur mos-fillimin e procedimit penal, duke i dhënë kështu të drejtë Lëvizjes për vazhdimin e protestës.
“Prokuroria ka vendosur mos-fillimin e procedimit, na lind e drejta të rivendosim çadrat. Do rivendosim çadrat ne shesh, prokuroria thotë se është e drejtë kushtetuese,” u shpreh Lapaj gjatë fjalës së tij nga protesta para Kryeministrisë.
