Etapa e dytë e Xhiros së Italisë, një garë kronometri 13.7 km në rrugët e Tiranës, u mbyll me fitoren e Joshua Tarling, çiklistit 21-vjeçar nga Britania e Madhe, i cili vendosi rekord duke u bërë çiklisti më i ri që arrin një fitore në garën kronometrike.
Ai e mbylli garën në kohën 16’06”, duke lënë pas Primoz Roglic (1 sekondë më pas) dhe Jay Vine (3 sekonda më pas).
Etapa përfshinte një pjesë malore në Sauk dhe një cirkuit qytetar me 150 metra disnivel.
Mads Petersen fituesi i ditës së djeshme, përfundoi në vendin e shtatë.
