I deleguari i Partisë Demokratike në qarkun e Beratit, Eno Bozdo në një deklaratë për mediat ka bërë rhirrë për pjesëmarrje më të gjerë në votime.
Sipas të dhënave nga Komisioni Qendror i Zgjedhjeve deri në orën 15:00, qarku i Beratit shënon një numër të ulët të votuesve.
Bozdo tha se me 12 maj duhet të kthehet në një festë të demokracisë.
“I gjithë Qarku i Beratit është duke votuar, ne jemi duke monitoruar në terren. Po shikojmë zbatimin e ligjshmërisë, kontrollojmë gjithçka. I sigurojmë beratasit se vota e tyre numërohet deri në një, vullneti i tyre ka për të qenë i pandryshueshëm. Sot është një ditë e madhe për ne, e rëndësishme është pjesëmarrja në votime, ndaj ta kthejmë këtë në festë të demokracisë, në festën që meritojnë gjithë shqiptarët më 12 Maj. Dilni, votoni, votoni! Është dita juaj, është dita ku sovrani merr vendime dhe ku politika i bindet!”, tha Bozdo.
