Partia Socialiste ka denoncuar praninë e kandidatëve të Partisë Demokratike pranë qendrave të votimit. Sipas tyre kandidatët e Partisë Demokratike në qarkun e Fierit, Luan Baçi dhe Gentian Çela kanë thyer Kodin Zgjedhor duke hyrë brenda qendrave të votimit.
“Kandidatët e PD vijojnë të thyejnë Kodin Zgjedhor duke hyrë në qendrat e votimit
Kandidatët e Partisë Demokratike në qarkun Fier në mënyrë të përsëritur gjatë gjithë ditës së sotme kanë thyer Kodin Zgjedhor, duke hyrë brenda qendrave të votimit. Luan Baçi dhe Gentian Çela janë regjistruar në orët e pasditeve pranë qendrave të votimit.
Kandidati Baçi ndodhet shumë pranë qendrave të votimit numër 2994 dhe 2994/1 në qytetin e Fierit. ndërkohë, kandidati Çela ka qenë në Çiflik në qendrën e votimit numër 2918″, thuhet në njoftimin e tyre.
