Mesditën e sotme një situatë e tensionuar është raportuar në Komisionin Zonal të Administrimit Zgjedhor nr.17 në Klos. Komisionerët, vëzhguesit dhe numëruesit e Partisë Demokratike janë larguar nga procesi, duke pretenduar për shkelje të numërimit të votave.
Ata kanë braktisur ambientet e KZAZ-së në shenjë proteste. Kështu procesi i numërimit është ndërprerë dhe mësohet se autoritetet zgjedhore janë duke vlerësuar hapat e mëtejshme për të garantuar ligjshmërinë e procesit.
