Në një ceremoni për shënimin e Ditës së Përkujtimit të Izraelit, Kryeministri Benjamin Netanyahu ka theksuar se Izraeli nuk ka përfunduar ende misionet e tij në Iran, duke shtuar se forcat izraelite janë të pranishme dhe kanë kontroll mbi hapësirën ajrore iraniane.
Ai gjithashtu foli për sulmet e Hamasit më 7 tetor, duke i cilësuar si një “masakër të tmerrshme”, dhe theksoi se Izraeli është i vendosur të mbrojë veten dhe qytetërimin perëndimor.
“Bota tashmë e di vendosmërinë tonë për të mbrojtur veten dhe njerëzimin nga fanatizmi barbar,” tha Netanyahu. Ai gjithashtu nënvizoi se Izraeli, në bashkëpunim me SHBA-të, e mban mbi supet e tij mbrojtjen e qytetërimit perëndimor.
