Procesi i numërimit të votave në Himarë ka përfunduar, ku rezultati final ka nxjerrë fituese Partinë Socialiste. Sipas të dhënave të siguruara nga gazetari Enrik Mehemti, PS ka arritur të sigurojë 3,196 vota, duke kryesuar ndaj forcave të tjera politike.
Pas PS, koalicioni Partia Demokratike-Aleanca për Shqipërinë Madhështore ka marrë 2,370 vota, ndërsa koalicioni Nisma- Shqipëria Bëhet ka siguruar 358 vota.
Forcat e tjera politike kanë marrë rezultate më të ulëta: Lëvizja Bashkë ka marrë 58 vota, Lëvizja Atdheu ka marrë 7 vota, Partia Koalicioni Euroatlantik ka marrë 10 vota, Aleanca Kombëtare Shqiptare ka marrë 20 vota, Aleanca Demokracia e Re ka marrë 8 vota, dhe Koalicioni Djathtas për Zhvillim ka marrë 21 vota.
