Ministrja dhe drejtuesja politike e PS për Tiranën, Ogerta Manastirliu në përfundim të procesit të numërimit në shkollën “Sami Frashëri”, falenderoi të gjitha strukturat për punën e palodhur.
Manatirliu u shpreh se ky është një besim që qytetarët e Tiranës dhe Shqipërisë i kanë dhënë Partisë Socialiste dhe Edi Ramës. Ajo këtë fitore ua dedikoj të gjithë qytetarëve.
“PS kryeson bindshëm. Edhe njëherë rikonfirmohet besimi i qytetarëve të Tiranës tek PS dhe Edi Rama për të vazhduar projektin ambicion për Shqipërinë në BE. Ky është një besim i madh që do ta kthejmë në më shumë punë për një të ardhme më të mirë. Ky është një leksion i madh qytetarie i atyre që kanë marrë pjesë në zgjedhje. Dua të falenderoj strukturat e PS, anëtarësinë e PS, ata që na kanë mbështetur. Kjo është një fitore e qytetarëve të Tiranës dhe e gjithë qytetarëve shqiptarë”, tha Manastirliu.
