Kylian Mbappé vazhdon të shkëlqejë në fushë, duke shënuar tripletë ndaj Barcelonës në derbin e fundit të La Ligas, por kjo nuk mjaftoi për të shmangur humbjen e Real Madridit. Pavarësisht paraqitjes së shkëlqyer personale, skuadra e Carlo Ancelottit pësoi një disfatë të rëndë, duke lënë pas shumë shpresë për të arritur trofe këtë sezon.
Mbappé, i cili u transferua te madrilenët me synimin për të fituar tituj, përfshirë Ligën e Kampionëve, duket se do të përballet me një sezon të zbrazët në nivel skuadre. Francezi shprehu zhgënjimin e tij përmes një postimi në Instagram, duke theksuar se ndonëse kjo humbje është e dhimbshme, ai dhe ekipi do të rikthehen më të fortë.
“Ka qenë e dhimbshme, por do të kthehemi më të fortë. HalaMadrid!” shkroi Mbappé, duke siguruar tifozët se mbetet i përkushtuar për të ndihmuar klubin në sezonet në vijim.
