Merr fund debati tek KZAZ-aj 40 në shkollën “Sami Frashëri” në Tiranë për pavlefshmërinë e votave të Partisë Mundësia. Anulohet vendimi që 7 vota që ishin për Partinë Mundësia të shpalleshin të pavlefshme.
Agron Shehaj ka akuzuar drejtpërdrejt numëruesit për manipulim dhe ka pretenduar se po tentohet të vidhet mandati i dytë në Tiranë që, sipas tij, është shumë afër për t’u fituar nga Partia Mundësia.
“Votat u quajtën të vlefshme. Tani u konsideruan të vlefshme. Ajo që duhet të jetë e qartë nga fillimi i numërimit janë numëruar qindra mijëra dhe për asnjërën nuk është ngritur pretendimi i ngjyrës. Pas dy orësh debat, këto vota do të quhen të vlefshme” tha Agron Shehaj.
