Një 55-vjeçar shqiptar është arrestuar në Megliadino San Fidenzio për tentativë vrasjeje ndaj bashkëshortes së tij 42-vjeçare, të cilën e dhunoi brutalisht duke e goditur me grushte e shqelma dhe duke u përpjekur ta mbyste.
Duke besuar se ajo kishte vdekur, ai e mbështolli me qilim dhe e tërhoqi në ballkon.
Gruaj që kishte humbur ndjenjat, u dërgua në spital dhe ndodhet jashtë rrezikut për jetën.
Ngjarja ndodhi në sy të djalit të çiftit, ndërsa fqinjët njoftuan policinë.
Sipas hetimeve, gruaja ishte dhunuar për vite me radhë dhe ishte trajtuar si “pronë”, duke u izoluar nga jeta sociale dhe duke u kontrolluar financiarisht.
Sulmi i fundit dyshohet se ndodhi pas refuzimit për marrëdhënie seksuale.
