Presidenti i Republikës Bajram Begaj priti në takim Sekretarin e Përgjithshëm të OSBE-së, Feridun Sinirlioğlu, ku vlerësoi kontributin e organizatës në forcimin e demokracisë, respektimin e të drejtave të njeriut dhe sigurisë në rajon.
Presidenti theksoi rolin e rëndësishëm që Prezenca e OSBE-së në Shqipëri ka pasur ndër vite në proceset e demokratizimit, reformave ligjore dhe forcimit të shtetit të së drejtës.
Ai shprehu gjithashtu mirënjohjen për mbështetjen e OSBE-së në proceset zgjedhore, përmes misioneve të vëzhgimit dhe rekomandimeve të ODIHR.
