Kryeministri Edi Rama ka reaguar ndaj spekulimeve mbi mundësinë e ndërtimit të qendrave për emigrantët për Britaninë e Madhe, duke hedhur poshtë mundësinë e një marrëveshjeje të tillë në Shqipëri. Gjatë një deklarate, ai sqaroi se aktualisht po testohen qendrat për emigrantët në bashkëpunim me Italinë, dhe se, për momentin, nuk ka asnjë plan për t’i aplikuar ato në Shqipëri.
“Modeli që ne kemi sjellë në Shqipëri në bashkëpunim me Italinë, unë e kam thënë qysh në krye të herës, është një model që kërkon kohën e vetë për t’u testuar, mund të replikohet por jo në Shqipëri, por në vende të tjera të rajonit. Nëse rezultati është pozitiv, nuk ka pse të mos ketë disponim nga ana e vendeve të tjera të rajonit”, tha Rama.
