Numërimi i votave të diasporës ka vijuar, duke publikuar deri tani rezultatet për 121.985 nga 194.889 zarfe të vlefshme, sipas të dhënave të fundit nga Komisioni Qendror i Zgjedhjeve.
Partia Socialiste e Shqipërisë vazhdon të mbajë epërsinë, duke marrë 65.327 vota, që përbëjnë 54.07% të totalit të numëruar, ndërsa koalicioni i Partisë Demokratike – Aleanca për Shqipërinë Madhështore ka siguruar 34.093 vota, ose 28.22%.
Si forcë e tretë, diaspora ka zgjedhur Koalicionin “Nisma Shqipëria Bëhet”, i cili ka grumbulluar 10.078 vota, ose 8.34% të totalit të numëruar deri tani. Numërimi vazhdon dhe priten rezultatet e tjera për të përfunduar procesin.
