Kryeministri Edi Rama ka zhvilluar një konferencë për shtyp me presidentin e Francës, Emmanuel Macron. Rama u shpreh krenar për marrëdhëniet me Francën dhe u hspreh se këto kanë hyrë në një fazë të re. Kryeministri theksoi se Franca është shumë mbështetëse në integrimin drejt Europës.
“Folëm me presidentin për mundësinë e përfshirjes së Francës në ndërtimin e hekurudhës Durrës-Prishtinë. Më vjen shumë mirë, sepse kjo ë htë diçka sa e vogël ën përmasë aq kuptimplotë në marrëdhënie, që kur presidenti erdhi këtu herën e kaluar ishim në shtëpinë e ish diktatorit Hoxha që ishte zbrazur e po niste puna për t shndërruar në qendër kulturore. Sot do të jetë kënaqësi ta shoqëroj presidentin për ta parë tanimë në veprim këtë projekt dhe praktikisht kurba e transformimit nga një ngrehinë e degraduar e mbetur nga e shkuara në një ngrehinë që i jep energji të ardhmes, është simbol i marrëdhënies.
Sot e ndjejmë afër Francën edhe në procesin e integrimit, rajoni ka fituar një mbështetës besnik e të qendrueshëm në të gjitha proceset transformuese”, tha Rama.
