Presidentja e Kosovës, Vjosa Osmani, ka zhvilluar një takim me Kryeministrin e Kroacisë, Andrej Plenkoviq, me të cilin bashkëkryesuan tryezën e liderëve me temën ‘‘Një Evropë e hapur me kufij të sigurt’’.
Gjatë diskutimit, Osmani theksoi rëndësinë e bashkëpunimit për sfidat e migrimit, mobilitetin dhe fuqizimin e të rinjve, duke u fokusuar në përkushtimin për garantimin e sigurisë dhe sundimin e ligjit si elemente kyçe për zgjidhje afatgjata.
