Nesër do të mbahet ceremonia e përurimit të Papa LEO XIV, ku Shqipëria do të përfaqësohet nga një delegacion i lartë shtetëror dhe fetar.
Presidenti i Republikës Bajram Begaj, dhe ministri për Evropën dhe Punët e Jashtme, Igli Hasani, do të marrin pjesë në këtë ngjarje të rëndësishme ndërkombëtare.
Nga Kisha Katolike në Shqipëri do të jenë të pranishëm Imzot Gjergj Meta, President i KISH-it, si dhe Imzot Arjan Dodaj. Po ashtu, do të marrin pjesë edhe përfaqësues të Kishës Ortodokse Autoqefale të Shqipërisë: Hirësia Nikolla dhe At Ignat Todri.
Ceremonia pritet të theksojë rëndësinë e dialogut ndërfetar dhe marrëdhënieve të ngushta ndërmjet Shqipërisë dhe Selisë së Shenjtë.
