Në emisionin 5 pyetjet nga Babaramo po diskutohet se çfarë ka ndodhur me 11 maj. Sekretari i Përgjithshëm i Partisë Socialiste, Blendi Klosi u shpreh se ata kanë fituar për atë se çfarë kanë arritur deri tani. Klosi nënvizoi se në qarkun e Dibrës ka fituar pasi atje janë bërë shumë investime duke filluar nga rruga e Arbrit.
“PS është shumë më tepër e strukturuar, e qartë dhe pas 12 vitesh votohet për atë çfarë ka bërë. Morëm mandatin e katërt për ata çfarë kemi bërë. Jep më shumë mundësi zhvillimi, janë shumë faktorë që i bën të votojë.
Është e vërtetë pata nderin të shkoj në një qark, në Dibër, ku për 35 vjet PS kishte pësuar disfata. Në këtë qark morëm 3500 vota sesa rivalët. Në diferencë midis dy kampeve fitojmë jo vetëm mandatin e tretë dhe dëshmuan se dhe ai qark ka nevojë të analizohet, duke filluar nga rruga e Arbrit, investimet, trajtimet dhe ai qark do të ketë suksese për PS.”, tha Klosi.
