Ish-presidenti i Shteteve të Bashkuara Joe Biden ka reaguar për herë të parë pas njoftimit se është diagnostikuar me kancer në prostatë.
Ai dhe bashkëshortja e tij, Jill Biden, kanë shpërndarë një mesazh falënderimi për mbështetjen që kanë marrë nga qytetarët pas këtij lajmi të rëndësishëm.
Biden dhe bashkëshortja e tij, Jill Biden thanë se ishin mirënjohës për dashurinë dhe mbështetjen që kanë marrë, që kur zyra e ish-presidentit njoftoi diagnozën e tij me kancer të dielën.
“Kanceri na prek të gjithëve. Ashtu si shumë prej jush, edhe unë dhe Jill kemi mësuar se jemi më të fortë atje ku jemi thyer. Faleminderit që na mbështesni me dashuri dhe përkrahje”, shkruan Biden.
